Hi又係我☺️見你覆咗一堆歪理，唯有再拆穿你面具啦。直接引述我當時提問：「岩幾高嘅女仔呀？ 因為我唔想露腳趾 🙈」你可以講到唔知我係想完全遮腳趾？仲屈我係要拖地？點解唔回應吓你係咪企喺梳化影，影到條裙拖地勁多誤導人？你話身形影響裙長（雖然覺得好好笑，其實有相為證），為咗令你無聲出，我提議大家當面出嚟試，你著到掂地我賠突錢比你都得，可惜你唔敢呀。直接引用你話：「我有正當職業，退就退」又係咩意思呀？咩態度呀？我都忍你，仲真誠多謝咗你2次，話我明唔係個個都肯退，我承認我嘅責任，無當面check裙（可能佢expect我帶把尺去度）但賣家提供正確資料都好重要，係邊個從頭到尾半句都無承認過責任？然後我發現原來你即晚重post條裙，仲mark高過賣出價60%，唔怪得肯退，那邊箱就拖延住我，有人接貨咪退囉。之後見我話唔退，就將裙減價至平過我而唔係刪貼，人格一流。賣裙你就我地點，親自出馬；退裙就搵個「喺長洲唔會出九龍」嘅朋友去幫手，佢位朋友又話我唔檢查，又話「我哋不嬲都唔退款」，賣家上身咁，唔講以為你朋友即是你。唔止貨不對辦，仲受氣比你朋友玩足一朝早，仲唔負評等幾時？等約出嚟退時比你放飛機定屈我著過？